Флеш Вести23/05/2017 12:44

Условни казни за насилниците од крвавиот четврток

Деветмината обвинети кои се поврзани со инцидентите од Собранието од 27 април кои се товарат за „учество во толпа која ќе спречи службено лице во извршување службена должност”, добија условни казни. По тричасовното судење во Кривичниот суд сите девет обвинети ја признаа вината.

Првообвинетиот Димче Христовски – Жабата ќе добие затворска казна од една година и 6 месеци ако во следните 5 години направи кривично дело. Сите останати ќе бидат казнети со 6 месеци затвор ако во следната година и пол направат кривично дело.

Во емисиите на Телма и на Алсат – М, „Топ тема на ваша страна“ и „360 степени“, вчера беа објавени снимки од собраниските камери на кои се гледа дека седум пратеници од ВМРО-ДПМНЕ и овозможиле на толпата да влезе во собраниските сали и да нападне пратеници.