Откако опозицијата посочи 10 клучни причини за повторна истрага за несреќата во која загина новинарот Никола Младенов, а премиерот тоа го прифати, БИРН ги истражува различните податоци и недоследностите што ја зголемија мистеријата за смртта на доајенот на македонското новинарство.
Вкрстувањето на повеќе информации од јавни настапи на официјални лица, вчерашните објавени телефонски разговори на полициските функционери и од полицискиот записник за сообраќајката, кој го објави вчера лидерот на СДСМ, Зоран Заев, отвора неколку прашања за кои институциите досега дале различни одговори.
