Албина Соргуч, Сараево
Осудените во судница | Фото: Суд БиХ
На тројца поранешни припадници на Армијата на Босна и Херцеговина (АБиХ), осудени за злосторства извршени над цивилни затвореници од хрватска националност, во жалбена постапка, казните затвор им беа зголемени.
Апелацискиот совет на Судот на Босна и Херцеговина, им ги зголеми казните затвор на Енес Ќуриќ на 8, на Ибрахим Демировиќ на 13 и на Хабиб Чопељ на 5 години.
Поранешните припадници на АБиХ, Самир Кресо и Мехмед Каминиќ, беа ослободени.
Ќуриќ и Демировиќ се осудени за учество во противзаконско притворање и нечовечно постапување кон хрватските цивили во Бијело Поље кај Мостар, кои ги присилувале на принудна работа.
Чопељ е осуден за нечовечки третман кон затворениците, а Демировиќ за силување на жена.
Со првостепената пресуда, Ќуриќ беше осуден на 5, Демировиќ на 10, а Чопељ на 2 години затвор.
На оваа пресуда не постои можност да се поднесе жалба.
