Годината почна со стравување како ќе се поминат студените денови поради енергетската криза, но вистинската потрошувачка на струја дојде летово кога температурите со денови беа високи и во градските средини не се живееше без вклучен клима уред. Војните во светот предизвикаа реакции и во Македонија. По четврти пат се одржа Парадата на гордоста во Скопје, а по првпат и црквата организираше протести против дефиницијата за род во предлог законите за матична евиденција и за родова еднаквост. Атмосферата од годината ја пренесуваме преку фотографиите на Роберт Атанасовски.
Првиот месец од годината секогаш е резервиран за Вевчанскиот карневал | јануари 2023 | Фото: Р.А.
И за маглата и смогот. Врвот на Водно наликуваше на остров над градот | Скопска Црна Гора, 2023 | Фото: Р.А.
Војната во Украина трае речиси две години. Украинците кои живеат во Македонија излегоа на протест една година по руската инвазија врз Украина | Скопје, март 2023 | Фото: Р.А.
По години спор меѓу двете цркви поглаварите на МПЦ-ОА и СПЦ Стефан и Порфириј служеа заедничка литургија | Охрид, мај 2023 | Фото: Р.А.
Под мотото „Гласни и Горди“ се одржа четвртиот Прајд | Скопје, јуни 2023 | Фото: Р.А.
Неколку дена подоцна црквата ги повика верниците пред Соборниот храм на протест против дефиницијата за род во предлог законите за матична евиденција и за родова еднаквост | Скопје, јуни 2023 | Фото: Р.А.
Традицијата се одржува во живот преку манифестацијата Галичка свадба | јули 2023 | Фото: Р.А.
Летото беше многу топло. На високите скопски температури малку чешми работеа | Скопје, август 2023 | Фото: Р.А.
И на жителите на Зоолошката градина им требаше освежување | Скопје, август 2023 | Фото: Р.А.
Македонија одигра нерешено против европскиот првак Италија на квалификации за светско првенство | Скопје, септември 2023 | Фото: Р.А.
По судирите на Блискиот исток се одржааа и неколку протести за поддршка на Палестина и палестинскиот народ | Скопје, ноември 2023 | Фото: Р.А.
Шефот на руската дипломатија Сергеј Лавров пристигна на самитот на ОБСЕ. Десетина други министри си заминаа во знак на протест | Скопје, декемеври 2023 | Фото: Р.А.
Последниот месец се случи свирепо убиство. Учениците во Песталоци се потпишуваа во книгата на жалост за нивната соученичка Вања Ѓорчевска | Скопје, декември 2023 | Фото: Р.А.
