Повторно се развиореа боите на виножитото во знамето на ЛГБТИ заедницата. Годинава по третпат, под мотото „Излези за љубов, достоинство, еднаквост, правда“.
Зборно место беше „Жена-парк“. Гардеробата позната: сè во знакот на виножитото.
Громогласно беа повторени барањата за еднаквост во општството, бидејќи, како што рекоа говорниците од познатото камионче, плаќањето еднакви даноци значи eднакви права и обврски за сите.
Присутните ги поздрави претставник на белградскиот Прајд, кој, најави дека ќе ја организираат најголемата европска Парада на гордоста што ќе се одржи во Белград. Присутни беа и вицепремиерот Бојан Маричиќ , министерката за труд и социјала Јованка Тренчевска, собраниски пратеници, амбасадорката на САД Кејт Брнз и евроамбасадорот Дејвид Гир.
Маршрутата се движеше низ центарот на градот, а како и претходните години, завршниот настан беше забавата во градскиот парк, поточно на стадионот на АРМ, каде следуваше музичка програма со домашни и странски артисти.
Освен од Македонија, на Парадата на гордоста и годинава имаше гости од соседните земји, Европа и од светот.
Фотогалерија | БИРН
