Обвинителството на Босна и Херцегвина поднесе обвинение против поранешниот полициски командир, Богдан Стевановиќ, за злосторства против човештвото, извршени над Бошњаци во областа Скелани, општина Сребреница, во 1992 година.
Пишува: Ламија Гребо, Сараево
Судот на БиХ. Фото: БИРН
Обвинителството го поднесе обвинението против Стевановиќ во петок, со кое го товари дека од мај до крајот на август 1992 година, како командир на Станицата за јавна безбедност Скелани и како член на кризниот штаб на српската општина Скелани, помагал во извршување на убиства и давал наредби за убиства.
Тој е обвинет и за учество во прогонот на бошњачкото население во Сребреница и во Скелани.
Според обвинителството, прогоните биле извршени со организирани напади врз села и населби, потпомогнати со артилериско делување, со присилно одвојување на мажите, со убиство на повеќе лица, како и со притварање во Станицата за јавна безбедност и кооперативниот центар во Скелани.
Жените и децата биле протерани, а најмалку 35 лица биле убиени.
Стевановиќ денес живее во Србија.
Обвинението е поднесено до Судот на БиХ на потврда.
