Ексхумацијата на локалитетот Хртар Град. Фото: ИНО БиХ
Обвинителството на БиХ објави дека е завршена ексхумацијата на гробницата на локалитетот Хртар Град во близина на Вишеград и дека биле пронајдени останки на шест лица.
„Првичните информации укажуваат дека посмртните останки им припаѓаат на жртви од бошњачка националност од регионот на Вишеград, а прецизни и детални информации за идентитетот на лицата, ќе можат да се дадат откако ќе заврши ДНК анализата и утврдувањето на идентитет”, соопшти обвинителството.
Институтот за исчезнати лица на Босна и Херцеговина (ИНО БиХ) објасни дека ова се нецелосни посмртни останки.
Според ИНО, тие им припаѓаат на жртви кои најверојатно биле убиени во 1992 година и од примарна гробница биле пренесени на овој локалитет.
За време на војната, останките на жртвите честопати биле префрлани од една масовна гробница во друга, во обид да се прикријат злосторствата.
