Министерот за заштита на животната средина на Србија, Горан Триван, изјави дека Владата е подготвена финансиски да го поддржи формирањето на лабораторија за истражување на последиците од бомбардирањето на НАТО во 1999 година.
Маја Живановиќ, Белград
Министерот за заштита на животната средина на Србија, Горан Триван, вечерва вечер изјави дека владата е подготвена да ја поддржи лабораторијата која ќе врши испитувања на резултатите од бомбардирањето на НАТО на Југославија во 1999 година и употребата на осиромашен ураниум.
„Владата е подготвена финансиски и на секој друг начин да помогне во утврдувањето на вистината”, рече Триван за јавниот сервис, РТС.
Информира дека овој месец ќе се сретне со претставници на Српската кралска академија на научници и уметници, која покрена иницијатива за формирање на лабораторија за истражување на последиците и ефектите од осиромашениот ураниум.
„Ќе работиме темелно и без брзање. Нема причина да брзаме, кога веќе чекаме 18 години“, додаде тој.
Српската кралска академија на научници и уметници, во мај објави дека формирала правен тим и најави дека ќе поднесе тужба против НАТО, бидејќи Алијансата, за време на бомбардирањето на Југославија во 1999 година, користела осиромашен ураниум.
Адвокатите ќе се обидат да го доведат во врска зголемувањето на бројот на тешки болести со употребата на осиромашен ураниум во текот на бомбардирањето.
Сепак, правни експерти изразија сомневање дека овој случај има шанса за успех.
НАТО, на 24 март 1999 година, без поддршка на Советот за безбедност на ООН, започна со воздушни напади на Србија, откако тогашниот југословенски претседател, Слободан Милошевиќ, одби да потпише мировен договор, со кој би се прекинале насилствата на српските сили над косовските Албанци кои бараа независност.
