Скопската Општина Аеродром има зголемување од над 5 илјади нови жители, покажаа податоците од Пописот на населението, становите и домаќинствата.
Таму според Пописот во 2002 живееле 72 илјади, а во 2021 над 77 илјади.
Втора скопска општина каде што има најголем пораст на нови жители е Кисела Вода, , потоа следуваат општините Карпош, Шуто Оризари, Ѓорче Петров, Сарај и Бутел.
Во Гази Баба, Центар и Чаир, пак, има обратен тренд, опаѓање на бројот на населението.
Така, лани во Гази Баба живееле скоро 3.000 жители помалку во споредба со 2002 година.
Податоците од пописот укажуваат и на речиси 20 илјади нови „скопјани“. Биле 506.926 пред 19 години, а лани биле 526.502.
Бројот на домаќинства, пак, е поголем за над 34 илјади, а има 141 илјада нови станови, поточно 141.031 стан повеќе, споредено со 2002 година.
Oва значи дека во Скопје има 3,8% повеќе жители и 20% повеќе станови од последниот попис во 2002.
Тоа го отвора прашањето дали многу сегашни резиденти на Скопје, всушност се попишале на друго место, но, и укажува на тоа дека многумина имаат повеќе од еден стан.
